Господи Боже наш, послушавый Моисея, простершаго к Тебе руце, и люди израилевы укрепивый на Амалика, ополчивый Иисуса Навина на брань и повелевый солнцу стати: Ты и ныне, Владыко Господи, услыши нас, молящихся Тебе.

Посли, Господи, невидимую десницу Твою, рабы Твоя заступающую во всех, а имже судил еси положити на брани души своя за Веру, Царя и Отечество, тем прости согрешения их, и в день праведнаго воздаяния Твоего воздай венцы нетления: яко Твоя держава, царство и сила, от Тебе помощь вси приемлем, на Тя уповаем, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.