Молитва первая
Творение св. благ. князя Александра Невского. Он читал эту молитву перед Невской битвой
Боже хвальный и праведный! Боже великий и крепкий! Боже превечный, сотворивый небо и землю и поставивый пределы языков, и жити им повелевый, не преступая в чужие части, и давый рабом Своим упование, превечное Твое Слово, во eже не боятися малому стаду от убивающих тело; милосердия же ради неизреченныя милости Твоея, послал еси Единороднаго Сына Твоего на спасение и избавление рода человеча. И ныне, Владыко прещедрый, слыши словеса варвара сего, прегордо хвалящагося разорити святую Твою Церковь, и потребити веру православную, и пролияти кровь христианскую, призри с небесе и виждь и посети виноград Свой, суди обидящим мя и возбрани борющимся со мною; приими оружие и щит и стани в помощь мне, да не рекут врази наши: где есть Бог их? Ты бо еси Бог наш и на Тя уповаем, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.
Молитва вторая
Творение св. благ. князя Александра Невского. Он читал эту молитву перед Ледовым побоищем
Суди, Боже, и разсуди прю мою от языка велеречива; изми мя от врагов моих, Боже, и от возстающих на мя избави мя, яко можеши хотяй и помози ми, Господи, яко же древле Моисеови на Амалика и прадеду моему, великому князю Ярославу, на окаянного Святополка!
Молитва третъя
Творение св. благ. князя Димитрия Донского. Он читал эту молитву перед Куликовской битвой
О великое имя Пресвятыя и Живоначальныя Троицы! Пречистая Госпоже Богородице, помогай нам на противныя враги, молитвами Твоего угодника, преподобнаго игумена Сергия, спаси души наша!
Молитва четвертая
Спаситель мой! Ты положил за нас душу Свою, дабы спасти нас; Ты заповедал и нам полагать души свои за други наша и за ближних наших. Радостно иду я исполнити святую волю Твою и положити жизнь свою за Царя и Отечество. Вооружи мя крепостию и мужеством на одоление врагов наших, и даруй ми умрети с твердою верою и надеждою вечной блаженной жизни во Царствии Твоем. Мати Божия! Сохрани мя под кровом Твоим. Аминь.
Молитва пятая
Да воскреснет Бог и расточатся врази Его, и да бежат от лица Его ненавидящи Его. Яко исчезает дым, да исчезнут, яко тает воск от лица огня, тако да погибнут грешницы от лица Божия, а праведницы да возвеселятся. Господь Бог благословен, поспешит нам Бог спасений наших. Дивен Бог во святых Своих, Бог Израилев, Той даст силу и державу людем Своим. Аминь.